Laguntza zuzeneko kontzesioa, Horizonte Europa programaren Europako Berrikuntza Kontseiluaren "azelerazio" tresnaren honako deialdi hauetan Bikaintasun Zigilua jaso duten Espainiako proiektuentzako ("EIC Accelerator 2022"):

• Lehen deialdia; eskaerak aurkezteko epea 2022ko martxoaren 23an bukatu zen.
• Bigarren deialdia; eskaerak aurkezteko epea 2022ko ekainaren 15ean bukatu zen.

ETEek egindako I+G proiektuak babestea, EICren azelerazio tresnaren deialdian bikaintasun-zigilua lortu badute, helburu hauekin:

• Enpresa onuradunei beren teknologia ingurune garrantzitsuetan baliozkotzen ahalbidetzea.
• Negozio-eredua hobetzea.
• Egitura sendotzea, gero eskalatu ahal izateko.

ETEak, baldintza hauek betetzen badituzte:

• Deialdi honetako laguntza-eskaera aurkezten denean balio osoz eratuta egotea.
• Helbide fiskala Espainiako lurraldean izatea.
• 2022rako EICren Lan Programan sartutako Europako Berrikuntza Kontseiluaren "azelerazio" tresnaren lehen edo bigarren deialdietan bikaintasun-zigilua lortu izana. 

ETEek laguntzak jaso ahal izango dituzte, Europako 2014ko ekainaren 17ko Batzordearen 651/2014 (EB) Erregelamenduaren I. eranskinean zehaztutakoaren arabera.

Informazio gehiago behar izanez gero, kontsultatu deialdia

Laguntzen zuzeneko kontzesioa

2022ko azaroaren 9tik 22ra, eguerdiko 12:00etan, penintsulako ordua.

Argitalpena BOEn

Dirulaguntza

30.000.000 euro.

Laguntzen zenbatekoa zehaztu egingo da proiektuaren benetako kostu finantzagarriaren eta eskuragarri dagoen aurrekontuaren arabera. Aurrekontu finantzagarriaren % 70 emanen da.

Laguntzaren gehieneko zenbatekoa 2,5 milioi eurokoa izanen da onuradun eta proiektu bakoitzeko.

Laguntzaren xede den I+G proiektuaren dirulaguntza jaso dezaketen jarduerak Horizonte Europa programaren arauei jarraiki dirulaguntza jaso dezaketenak izango dira, garapen esperimentaletik haratago doazenak izan ezik.

“Azelerazio” deialdian dirulaguntza jaso dezaketen jarduerak I+G jarduerak (TRL 5etik 8ra) eta hedapenekoak (TRL 9) dira. Azken horiek garapen esperimentalaren definizioaren irismena gainditzen dutenez, ez dira deialdi honetan finantzatuko.

Dirulaguntzen jaso dezaketen proiektuek urtebeteko edo urte anitzeko iraupena izan dezakete. Proiektuari ezingo zaio ekin 2022ko ekainaren 1a baino lehen, eta bukatzeko mugaeguna 2024ko abenduaren 31 da.

Deialdi hau Berreskuratze, Eraldatze eta Erresilientzia Plan Nazionalean aurreikusitako jarduketen artean dago. Plan horrek "Next Generation EU" funtsen finantzaketa jasoko du, besteak beste, Berreskuratze eta Erresilientzia Mekanismoa.

Zuzenean edo zeharka ingurumenari kalte nabarmena egiten dioten jarduerek ez dute laguntzarik jasoko (DNSH printzipioa). EICren azelerazio-deialdian bikaintasun-zigilua lortzeak, berez, printzipio horrekiko errespetua bermatzen du, hautagarritasun-irizpidetzat eta programaren eragina ebaluatzeko irizpidetzat hartuta.

Bai.

Finantzagarriak izango dira, bakar-bakarrik, finantzatu beharreko jardueraren izaerari zalantzarik gabe dagozkion eta behar-beharrezkoak diren gastuak, eskarian eta proiektuaren memoria teknikoan aurkeztutako proiektuaren deskribapenean oinarrituta.

Hauek dira finantzatu daitezkeen kostuak:

• Ekipamenduaren, tresnen eta materialaren kostuak, proiekturako erabiltzen diren neurrian eta aldian.
• Langileen kostuak.
• Kanpoko lankidetza teknikoen kostuak.
• Bestelako ustiapen-gastu osagarriak: bidaien kostuak, aktibo ez-materialak erosteko kostuak, jabetza industrial eta intelektualeko eskubideak eskatzeko kostuak, emaitzak argitaratu eta zabaltzeko kostuak, eta ikuskatzailearen txostenetik eratorritako gastua (urtean 3.000 euro gehienez).
• Zeharkako kostuak; horiek kalkulatzeko, proiektuaren zuzeneko gastuen % 25eko portzentaje finkokoa hartuko da (azpikontratazio teknikoak kenduta).

Proiektuaren aurrekontu finantzagarriaren zenbateko osoa ezin da izan EICaren azelerazioko deialdian aurkeztutako proiektuko aurrekontuaren zenbateko osoa baino handiagoa. 

Azpikontratatutako jardueren gehieneko zenbatekoa aurrekontu hautagarri osoaren % 80 izanen da.

Zerbitzu baten prestazioaren edo ondasun baten entregaren zenbatekoa 15.000 eurotik gorakoa bada, onuradunak gutxienez hiru eskaintza eskatu beharko dizkie hornitzaileei, kontratatzeko konpromisoa hartu aurretik, salbu eta, ezaugarri bereziak direla eta, merkatuan ez badago haiek egin, eman edo hornitzen dituzten erakunde nahikorik.

Hirugarrenekin hitzartutako jarduerak emandako laguntzaren % 20 gainditzen badu eta zenbateko hori 60.000 eurotik gorakoa bada, azpikontratazioa burutzeko kontratua idatziz egin beharko da, eta kontzesio-organoak bidali eta baimendu beharko du.