Eginkizunak

EVALUACION

CDTI-E.P.E. Enpresa Erakunde Publikoa da, Zientzia eta Berrikuntza Ministerioaren mendekoa, eta Espainiako enpresen berrikuntza eta garapen teknologikoa sustatzen ditu. Espainiako enpresek estatuan eta nazioartean dituzten I+G+b proiektuak sustatzeko eta bultzatzeko eskaerak bideratzen dituen erakundea da. Beraz, CDTIren helburua da Espainiako enpresen maila teknologikoa hobetzen laguntzea, jarduera hauek garatuz:

  • Ebaluazio tekniko-ekonomikoa eta berrikuntzarako laguntza publikoak ematea, enpresek garatutako I+G proiektuetarako hein batean itzulgarriak diren dirulaguntzen edo laguntzen bidez.
  • Espainiak lankidetza teknologikorako nazioarteko programetan parte hartzeko kudeaketa eta sustapena.
  • Enpresa-teknologiaren nazioarteko transferentzia eta berrikuntza teknologikoari laguntzeko zerbitzuak sustatzea.
  • Oinarri teknologikoko enpresak sortzen eta finkatzen laguntzea.

CDTIren azpiegituraren zatirik handiena Madrilen dago, baina Espainiako enpresen eskura jartzen du bulego- edo ordezkari-sare estrategikoa atzerrian (Japonia -SBTO (Spain Business and Technology Office)-, Belgika -SOST (Spain Office of Science and Technology) eta Eureka Idazkaritza iraunkorra-, Brasil -FINEP (Financiadora de Estudos e Projetos)-, Korea, Txile, Moroko, Txina, India, Mexiko eta AEB), horiei nazioarteko teknologia-jardueretan laguntzeko.

CDTIren eginkizunak

CDTIk zuzenbide pribatua jarraitzen du hirugarrenekiko harremanetan. Horri esker, enpresei bizkortasuna eta malgutasuna eman diezaieke I+Gko enpresa-proiektuak garatzeko laguntza-zerbitzuetan, enpresak garatutako teknologien nazioarteko ustiapenean eta erakunde zientifiko eta teknologikoei hornidura industrialetarako eskaintzak egiten.

Horren ondorioz, CDTIk laguntza ekonomiko propioak ematen dizkio enpresari, eta hirugarrenen laguntzak (EBko I+Gko Esparru Programako dirulaguntzak, adibidez) eskuratzen laguntzen dio, estatuko nahiz nazioarteko ikerketa- eta garapen-proiektuak burutzeko.

Halaber, nazioarteko lankidetzan garatzeko laguntza ematen dio enpresari, eta, horretarako, laguntzak eskaintzen ditu berrikuntza-proiektuetarako eta teknologia-transferentziarako, eta bere atzerriko sarea eta lankidetza-proiektu multilateralak (Eureka eta Iberoeka) eta aldebiko lankidetza-proiektuak (Kanada, Japonia, Txina, Hego Korea, India eta Hegoafrikarekin) eskaintzen ditu ere.

Horrez gain, CDTI organo eskuduna da edozein ildotan laguntzak eman dizkien proiektuei buruzko txosten arrazoitu lotesleak  emateko (2/2007 Errege Dekretua). Dokumentu horiek segurtasun juridiko handiagoa emango diete proiektu bat onartuta eta CDTIren eskutik laguntza publikoa jaso duten Espainiako enpresei, proiektu horien I+Gko jardueretan sortutako gastuengatik zerga-arinketak lortzeko unean. 

Azkenik, CDTIk kudeatzen eta laguntzen du Espainiako enpresek eduki teknologiko handiko industria-kontratuak lor ditzaten, erakunde nazionalek eta europarrek sortutakoak, hala nola Partikulen Fisikarako Europako Laborategia (CERN), Sinkrotroi Europarra (ESRF) edo Europako Behatoki Australa (ESO), besteak beste.