EGEF Interconecta 2015eko proiektuak

Deialdi honek enpresen arteko lankidetza proiektuen modalitateko garapen esperimentaleko proiektuak babestuko ditu.

Deialdi honetan aurreikusitako dirulaguntzen onuradunak izan daitezke oinarri arautzaileei buruzko Aginduaren 5.2 artikuluan definitutako pertsona juridikoen elkarteak, baldin eta laguntzaren xede diren proiektuak burutu baditzakete. Elkarteak enpresek bakarrik osatu beharko dituzte, oinarri arautzaileei buruzko Aginduaren 4. artikuluko a) ataleko 7. puntuan aurreikusitako onuradun kategoriaren arabera.

Elkarteek bi enpresa autonomo izan behar dituzte gutxienez, eta horietako batek gutxienez handia edo ertaina izan behar du eta besteak ETE, oinarrien aginduaren 2. artikuluaren definizioaren arabera. Elkartea sei enpresak osatuko dute gehienez. Elkarteko ezein enpresa autonomok, ez eta enpresa lotu edo elkartuen ezein taldek ere, ezin izanen du gainditu proiektuaren aurrekontu finantzagarriaren % 70.

Eskaerak aurkezteko epea 2015eko apirilaren 30ean hasi zen eta ekainaren 30ean bukatu, eguerdiko 12:00etan, penintsulako orduan.

Laguntzak eskuratzeko eskaerak Garapen Teknologiko Industrialerako Zentroak gaitutako egoitza elektronikoan bete eta aurkeztu beharko dira nahitaez (https://sede.cdti.gob.es/).

Itxita

Laguntza itzuli beharrik gabeko dirulaguntza izanen da. Laguntzen banakako zenbatekoa zehaztu egingo da proiektuaren benetako kostu finantzagarriaren, onuradunen ezaugarrien eta eskuragarri dagoen aurrekontuaren arabera, oinarri arautzaileen aginduaren 40. artikuluan ezarritako laguntza-intentsitatearen mugak errespetatuz. Zehazki, enpresa txikientzat laguntzaren gehieneko intentsitatea % 60koa izanen da; enpresa ertainentzat, %50ekoa, eta enpresa handientzat % 40koa.
 

Gutxieneko aurrekontu finantzagarria 1.000.000 eurokoa da eta gehieneko aurrekontua 4.000.000 eurokoa.

Proiektuak urte anitzekoa izanen dira eta proiektuaren zati bat 2015. urtean egin beharko da. Betiere, 2015erako laguntza eskatu beharko da. Proiektuek bi edo hiru urte naturaleko iraupena izanen dute; beraz, 2016ko abenduaren 31n edo 2017ko abenduaren 31n bukatu beharko dute.

Autonomia-erkidego eta/edo hiri autonomo hauetako eremu geografikoan garatzen diren proiektuek bakarrik jasoko dute laguntza: Andaluzia, Asturias, Kanariak, Gaztela-Mantxa, Extremadura, Galizia, Murtzia, Ceuta eta Melilla.

Aurkeztutako proiektuen gaiek oinarri arautzaileei buruzko Aginduaren 8.2.c) artikuluan ezarritako zortzi erronka sozialetako bati erantzun beharko diote:

• Osasuna, aldaketa demografikoa eta ongizatea.
• Elikagaien segurtasuna eta kalitatea; nekazaritzako jarduera produktiboa eta jasangarria, baliabide naturalak, itsasoko ikerketa.
• Energia segurua, eraginkorra eta garbia.
• Garraio adimenduna, jasangarria eta integratua.
• Klima-aldaketari buruzko ekintza eta baliabideen eta lehengaien erabileraren eraginkortasuna.
• Aldaketa eta berrikuntza sozialak.
• Ekonomia eta gizarte digitala.
• Segurtasuna, babesa eta defentsa.