Proxectos FEDER Interconecta 2015

Esta convocatoria apoiará proxectos de desenvolvemento experimental na modalidade de proxectos en cooperación entre empresas.

Poderán ser beneficiarios das subvencións previstas na presente convocatoria as agrupacións de persoas xurídicas definidas no artigo 5.2 da Orde de bases reguladoras, que poidan levar a cabo os proxectos obxecto de axuda. As agrupacións deberán estar constituídas unicamente por empresas, segundo a categoría de beneficiario das previstas no artigo 4, apartado a), punto 7.º da Orde de bases reguladoras.

As agrupacións deberán estar constituídas, como mínimo, por dúas empresas autónomas entre si, das cales polo menos unha delas debe ser grande ou mediana e outra debe ser PEME, segundo a definición do artigo 2 da Orde de bases. O número máximo de empresas integrantes da agrupación será de seis. Ningunha das empresas autónomas da agrupación, nin ningún grupo de empresas vinculadas ou asociadas, poderá superar o 70 % do orzamento financiable do proxecto.

O prazo de presentación das solicitudes iniciouse o día 30 de abril de 2015 e finalizou o día 30 de xuño ás 12:00 horas do mediodía, hora peninsular.

A formalización e presentación das solicitudes para a obtención das axudas deberá realizarse obrigatoriamente a través dos medios electrónicos habilitados para iso na sede electrónica do Centro para o Desenvolvemento Tecnolóxico Industrial (https://sede.cdti.gob.es/).

Pechada

A axuda terá a forma de subvención a fondo perdido. A contía individualizada das axudas determinarase en función do custo financiable real do proxecto, das características do beneficiario e das dispoñibilidades orzamentarias, respectando os límites de intensidade de axuda establecidos no artigo 40 da Orde de bases reguladoras. Concretamente, para as pequenas empresas, a intensidade de axuda máxima será do 60 %; para as medianas empresas, do 50 %, e para as grandes empresas, do 40 %.

O orzamento mínimo financiable é de 1 000 000 euros e o orzamento máximo de 4 000 000 euros.

Os proxectos deben ser plurianuais e parte do proxecto debe realizarse no ano 2015. En todo caso, as axudas deberán solicitarse para o ano 2015. Os proxectos terán unha duración de dous ou tres anos naturais, polo que deberán finalizar o día 31 de decembro de 2016 ou 31 de decembro de 2017.

Só se apoiarán aqueles proxectos que sexan desenvolvidos no ámbito xeográfico das seguintes Comunidades e/ou Cidades Autónomas: Andalucía, Asturias, Canarias, Castela A Mancha, Estremadura, Galicia, Murcia, Ceuta e Melilla.

As temáticas dos proxectos presentados deberá responder a algún dos oito Retos Sociais establecidos no artigo 8.2.c) da Orde de bases reguladoras:

• Saúde, cambio demográfico e benestar.
• Seguridade e calidade alimentarias; actividade agraria produtiva e sostible recursos naturais, investigación mariña e marítima.
• Enerxía, segura, eficiente e limpa.
• Transporte intelixente, sostible e integrado.
• Acción sobre o cambio climático e eficiencia na utilización de recursos e materias primas.
• Cambios e innovacións sociais.
• Economía e sociedade dixital.
• Seguridade, protección e defensa.