Berrikuntzak medikuntza pertsonalizatuan eta terapia aurreratuetan

Ministroen Kontseiluak, 2021eko azaroaren 30ean, Abangoardiako Osasuna Suspertzeko eta Ekonomia Eraldatzeko Proiektu Estrategikoa (Osasunaren PERTE) onartu zuen. Proiektu hori interes orokorreko herrialde-proiektua da ekonomiarentzat eta gizartearentzat.

Osasunaren PERTEaren bidez, Espainiako biztanleen kalitatezko enplegua sustatu eta osasuna hobetu nahi da, ezagutza zientifikoaren, abangoardiako osasun-berrikuntzaren eta datuen bidez, horiek eraldaketa-bektoreak baitira.

PERTE horren esparruan, Instituto de Salud Carlos III (ISCIII) institutuaren eta Garapen Teknologiko eta Berrikuntzarako Zentroaren (CDTI) arteko jarduera bateratu honen helburua da gaitasun zientifikoak eta gaitasun enpresarialak koordinatzea, diagnostiko klinikoko produktuak garatzen azkarrago aurrera egiteko, medikuntza pertsonalizatua eta sendagai estrategiko berriak ezartzeko, eta, hartara, ekosistema pribatuko ikerketa-ahaleginak eta berritzaileak erronka hauetara bideratuz:

• Diagnostiko goiztiarra eta zehatzagoa.
• Tratamendu berritzaile eta pertsonalizatuak.
• Gaixotasun kronikoen jarraipena eta errehabilitazioa hobetzea.

Informazio gehiago: Gaikako deskribatzaileak.

Funtzionamendu eskema eta proiektu finantzagarriak

I+G proiektuak finantzatuko dira, baldin eta Osasun Sistema Nazionalaren (OSN) inguruko enpresek, zentroek eta ikerketa-erakundeek horietan batera parte hartzen badute. Industrian eta/edo enpresan ondorioak dituzten proiektuak finantzatu ahal izango dira.

Lankidetzazko proiektuak izan arren, CDTIk eta ISCIIIk finantzaketa onuradun bakoitzari bereiz emango dio, prozedura desberdinetan.

Jarduketa hau lehen interes-adierazpen baten bidez egituratuko da, eta bertan bilduko dira OSNko enpresa, erakunde eta ikerketa-zentro publikoen arteko proiektu bateratuaren deskribapena, baita CDTIren eta ISCIIIren laguntza-eskaerak ere, hurrenez hurren, proiektu bateratuaren zati bakoitza finantzatzeko.

1. Interes-adierazpena:

• Proiektu bateratuaren laburpena da, parte-hartzaile bakoitzak egindako jarduerak eta horri lotutako aurrekontua zehaztuz.
• Lankidetzarako aterpea da: partzuergoa osatzen duten entitate parte-hartzaile guztiek proiektuan parte hartzeko konpromisoaren aitorpena aurkeztu beharko dute.
• Ez da laguntza eskaera, laguntza horiek eskuratzeko ezinbesteko baldintza baizik.
• Edozein eskaera aurkeztu aurretik formalizatuta egon behar da.
• Interes-adierazpena CDTIren egoitza elektronikoan aurkeztuko dute enpresek.
• AURKEZTEKO EPEA: 2022ko irailaren 23tik urriaren 26ra.

2. Laguntza-eskaerak:

• Interes-adierazpenean parte hartzen duen erakunde bakoitzak dagokion erakunde finantzatzailean egin behar du laguntza-eskaera, tresna bakoitzerako finkatutako epeetan: ISCIIIn OSNk dituen erakunde eta ikerketa-zentro publikoek; CDTIn enpresek.
• Interes-adierazpena aurkezteko kodea laguntza-eskaeretan sartu beharko da.
• CDTIk eta ISCIIIk beren eskabideak bereizirik ebaluatuko dituzte, bakoitzak bere laguntza tresnetan ezarritako irizpideen arabera.
• ISCIII LAGUNTZA ESKAERA AURKEZTEKO EPEA: urriaren 6tik 26ra.
• CDTI LAGUNTZA ESKAERA AURKEZTEKO EPEA: azaroaren 4a arte, interes-adierazpena aurkeztu ondoren.
• ISCIIIren DEIALDIA
• CDTIren LAGUNTZAREN FITXA

3. Laguntza ematea:

• Parte-hartzaile guztiek laguntza jaso duten proiektuak bakarrik finantzatuko dira: ISCIIIk OSNren erakunde eta ikerketa-zentro publikoetarako; CDTIk enpresetarako.
• Interes-adierazpeneko kide guztiek beren finantzaketa egiaztatua izan beharko dute, proiektua bere osotasunean bideragarria izan dadin.
• Interes-adierazpenaren kideen arteko lankidetza proiektua gauzatzen den bitartean mantendu beharko da. Lankidetza hori partzuergo-hitzarmen baten bidez adostuko delarik, laguntzak eman eta sei hilabetera aurkeztuko da.
• Parte-hartzaile bakoitzak proiektuaren justifikazioa eginen du finantzaketa eskatzen duen erakundean.
• CDTIk edo ISCIIIk antzematen badute interes-adierazpenean adierazitako lankidetzari ez zaiola eutsi, laguntza itzultzea eskatuko zaie onuradunei.

Informazio osagarria

ISCIII-CDTIren baterako jardunaren informazio-txostena