Proxectos de I+D de Transferencia Tecnolóxica «Cervera»

Fortalecemento das capacidades de innovación das PEME e empresas de mediana capitalización, mediante a contratación de actividades de I+D a centros xeradores de coñecemento ou a execución de proxectos de I+D en colaboración con estas entidades, nalgunha das tecnoloxías prioritarias «Cervera».

Tecnoloxías prioritarias «Cervera»:

• Materiais avanzados
• Economía circular
• Transición enerxética
• Fabricación intelixente
• Tecnoloxías para a saúde
• Cadea alimentaria segura e saudable
• Aprendizaxe profunda e intelixencia artificial
• Redes móbiles avanzadas
• Transporte intelixente
• Protección da información
• Computación cuántica

Pemes e empresas de mediana capitalización (MIDCAPS).

Non poderán ser beneficiarias as empresas incluídas no ámbito de aplicación da Lei 3/2004, do 29 de decembro, pola que se establecen medidas de loita contra a morosidade nas operacións comerciais, que incumpran os prazos de pagamento previstos na devandita Lei.

Convocatoria aberta todo o ano.

Todo o ano.

Axuda parcialmente reembolsable.

Tipo de xuro fixo: Euribor a 1 ano, fixado á data da aprobación da axuda.

Axuda de ata o 90 % do orzamento total aprobado (sempre que non se superen os límites de intensidade máxima de axudas permitidos pola normativa comunitaria de axudas do estado).

• Se o proxecto de I+D se financia exclusivamente con fondos CDTI, o tipo de xuro aplicarase ao importe total da axuda.
• Se o proxecto de I+D se cofinancia con fondos comunitarios, o tipo de xuro aplicarase exclusivamente ao tramo reembolsable da axuda.

Devolución: 10 ou 15 anos.

As amortizacións do préstamo terán carácter semestral.

O primeiro reembolso realizarase 3 anos despois do centro de gravidade do proxecto, cun mínimo de dous anos dende a súa data de finalización.

Os intereses ordinarios do préstamo devindicaranse semestralmente dende o momento da disposición de calquera contía da axuda, incluídos os anticipos.

Tramo non reembolsable do 33 % da cobertura financeira da axuda.

O CDTI poderá requirir a constitución de garantías para a devolución da axuda cando a análise económica financeira da empresa así o indique.

Se é o caso, o CDTI poderá aplicar unha minoración ou exención das garantías solicitadas.

Anticipo do 35 % da axuda con límite de 250 000 euros, sen esixencia de garantías adicionais.

A empresa deberá financiar, polo menos, o 10 % do orzamento do proxecto con recursos propios.

Orzamento mínimo que se pode financiar: 175 000 euros.

Participación relevante de centros xeradores de coñecemento que non poderá ser inferior ao 10 % do total do orzamento aprobado polo Consello de Administración do CDTI.

Duración: 12 a 36 meses. Os proxectos poderán ter un ou varios fitos técnicos, cuxa duración deberá ser de 9 a 18 meses.

Si (fondos FEDER ou outros fondos europeos).

Os proxectos que cumpran as condicións do FEDER 21-27 financiaranse con estes fondos, salvo que existan fondos insuficientes dispoñibles na rexión de desenvolvemento, en cuxo caso financiaranse con fondos do CDTI e nas condicións aplicables ao financiamento do CDTI.

Os proxectos cofinanciados con fondos FEDER para o período 2021-2027 deberán cumprir as normas específicas de aplicación, detalladas no expediente do instrumento.

Entre outros, deberán presentar un informe positivo de cumprimento do principio de non causar danos significativos ao medio ambiente (DNSH), emitido por unha entidade acreditada por ENAC, no prazo máximo de tres meses desde a aprobación da axuda.

Si. A empresa beneficiaria poderá solicitar o informe motivado unha vez que se formalice o contrato de préstamo co CDTI.

Apoiaranse proxectos de investigación e desenvolvemento empresarial de carácter aplicado para a creación ou mellora significativa dun proceso produtivo, produto ou servizo.

Os proxectos deben demostrar un aspecto tecnolóxico diferencial sobre as tecnoloxías existentes no mercado.

Os devanditos proxectos poden comprender tanto actividades de investigación industrial como de desenvolvemento experimental.

A característica esencial desta tipoloxía de proxectos é que necesariamente deben desenvolverse nun grupo limitado de áreas tecnolóxicas (tecnoloxías prioritarias Cervera) e contratar determinadas actividades do proxecto a Centros Tecnolóxicos.

Son elixibles os gastos de persoal; custos de instrumental e material; custos de investigación contractual, coñecementos e patentes adquiridas, consultoría e servizos equivalentes (excluídos os asociados á solicitude do proxecto); gastos xerais suplementarios e outros gastos derivados do proxecto. Tamén son elixibles o gasto derivado do informe de auditor e os gastos de xestión e coordinación do proxecto. Adicionalmente, serán elixibles:

• O gasto derivado o informe realizado polo auditor (límite máximo de 2000 euros por beneficiario e fito).
• Os gastos de xestión e coordinación do proxecto (límite máximo de 6000 euros por beneficiario e fito).
• O gasto derivado da obtención do informe de valoración do cumprimento do DNSH (límite máximo de 2000 euros por proxecto).

As colaboracións externas non poderán superar o 65 % do orzamento elixible con carácter xeral, podendo alcanzar ata o 80 % para o sector biofarmacéutico debido ao elevado custo dos ensaios deste tipo de produtos.

Só poderán considerarse elixibles aqueles gastos que respondan á natureza da actividade a financiar e resulten estritamente necesarios.

Os criterios xerais de avaliación técnica dos proxectos de I+D son:

• Plan de explotación comercial do proxecto.
• Tecnoloxía e innovación do proxecto.
• Capacidade da empresa en relación co proxecto.
• Valoración do impacto socioeconómico, perspectiva de xénero e sostibilidade.

A avaliación financeira considerará os seguintes aspectos:

• Análise sobre a consideración de empresa en crise.
• Análise económico-financeira e de risco.
• Análise económico-financeira do proxecto.
• Adecuación económico-financeira da empresa ás actividades que realiza no proxecto

Considerarase que a axuda ten un efecto incentivador se, antes de comezar a traballar no proxecto, o beneficiario presentou por escrito a súa solicitude de axuda a CDTI.

• Nos proxectos financiados con fondos CDTI, a axuda é incompatible con calquera outras axudas públicas destinadas ao mesmo proxecto, coa salvidade dos supostos descritos na ficha de detalle do instrumento.
• Nos proxectos cofinanciados con fondos comunitarios xestionados polo CDTI a axuda é compatible con calquera outras axudas públicas sempre que a súa fonte de financiamento non proceda do orzamento da UE.
• A axuda é incompatible con calquera axuda privada cuxa fonte de financiamento proveña de fondos do orzamento da UE.

Todas as axudas destinadas ao mesmo proxecto deben de ser comunicadas ao CDTI.

• Regulamento UE no 651/2014, da Comisión, do 17 de xuño de 2014, pola que se declaran compatibles co mercado interior determinadas categorías de axudas en aplicación dos artigos 107 e 108 do Tratado (Regulamento xeral de exención por categorías. DOUE L 187, do 27.06.2014) .
• Comunicación da Comisión de 2008 relativa á revisión do método de fixación dos tipos de referencia e de desconto.
• Normativa civil e mercantil aplicable.
• Normativa específica aplicable, no caso de financiamento con fondos europeos.