Oficinas Internacionais CDTI

A misión da Rede de Delegacións Internacionais do CDTIé reforzar a competitividade e o posicionamento das empresas españolas con tecnoloxías propias no terreo internacional. Para iso, o CDTI conta con oficinas  internacionais denominadas CDTI-SOST (Spanish Office for Science and Technology) en 10 países (Xapón, Corea do Sur, China, India, EEUU, Marrocos, Chile, Brasil, México e Bélxica) que dan coberturaa un total de 51 países no ámbito global.

As principais liñas de acción internacional do CDTI son:

• Promover o establecemento de acordosinstitucionais de colaboración entre o CDTI e os seus organismos homólogos noutros países que contan con competencias similares no ámbito do I+D+i.
• Mobilizar recursos financeiros tanto nacionais como estranxeiros para reforzar ás empresas con tecnoloxías españolas no contexto internacional.
• Detectar novas oportunidades de mercado internacional para empresas tecnolóxicas españolas.
• Promover a participación de empresas españolas e internacionais nos diversos programas de cooperación tecnolóxica internacional e transferencia de tecnoloxía do CDTI.
• Convocatoria de eventos a nivel local e participación noutros eventos internacionais para divulgar as oportunidades de cooperación tecnolóxica internacional entre entidades e empresas españolas e partners internacionais.
• Promover a participación española nos Programas Europeos, principalmente o Programa Marco de Investigación e Innovación da Unión Europea > Acceso directo ao Portal español de Horizonte Europa