O CDTI Innovación difunde a 8ª Chamada multilateral para a presentación de propostas sobre Economía Circular e subministración de enerxía limpa, accesible e segura

Esta iniciativa, no marco do Joint Funding Scheme JFS Europa – Sueste Asiático, está destinada a promover e financiar proxectos de cooperación tecnolóxica entre Europa (España, Alemaña, Austria, Bélxica, Bulgaria, República Checa, Turquía e Suíza) e o Sueste Asiático (Brunei, Cambodia, Filipinas, Indonesia, Malaisia, Myanmar e Tailandia).

As propostas deben de estar constituídas por, polo menos, tres socios: dous de países diferentes do sueste asiático e un socio europeo, ou dous socios de países europeos diferentes e un do sueste asiático. Ademais, teñen que estar orientadas ao desenvolvemento ou mellora significativa dun produto, proceso ou servizo innovador con perspectivas de mercado. 

En España as propostas teñen que estar lideradas por empresas. Tamén poden subcontratar determinadas actividades do proxecto a outras empresas ou a organismos de investigación. 

As empresas españolas interesadas deberán presentar a súa solicitude a través da Plataforma web PT Outline e, en paralelo, tramitar no CDTI Innovación a mesma como proxecto da tipoloxía “Bilaterais con Certificación e Seguimento Unilateral”.

Nesta ligazón pode consultar o texto da Chamada en inglés así como as regulacións específicas de cada un dos países participantes.