O CDTI Innovación asesora ás empresas españolas que queiran presentar unha proposta ao Acelerador EIC
O próximo 16 de abril, o CDTI Innovación participará nun webinario para informar e asesorar ás empresas españolas que queiran coñecer o Acelerador EIC con máis detalle e así poder preparar unha proposta con éxito
O Acelerador EIC é un programa de financiamento de Horizonte Europa que ofrece apoio a empresas emerxentes e pemes que teñan un produto, servizo ou modelo de negocio innovador e revolucionario que poida crear novos mercados ou incrementar os existentes en Europa ou en todo o mundo e que están a buscar financiamento substancial pero os riscos involucrados son demasiado altos para que os investidores privados invistan sós.
Retos
A seguir enuméranse os 6 retos que contempla o Acelerador EIC:
• Human Centric Generative AI.
• Virtual worlds and augmented interaction, including Industry 5.0.
• Enabling the Smart Edge & Quantum technology components.
• Food from precision fermentation and algae.
• Monoclonal antibody-based therapeutics for emerging viruses.
• Renewable energy sources and their whole value chain.
Orzamento para 2024
O programa de traballo do Consello Europeo de Innovación contempla o financiamento de 1025 millóns de euros para 2024 para tecnoloxías estratéxicas e empresas en expansión. A maioría dedícase a pemes e empresas emerxentes que queiran desenvolver e ampliar innovacións en campos críticos como a intelixencia artificial generativa (IA), o espazo, as materias primas críticas, os semiconductores e as tecnoloxías cuánticas.
Aspectos de interese
Durante esta sesión informativa, técnicos do CDTI Innovación exporán as novidades do Acelerador en 2024, analizarán o perfil das empresas participantes na sesión e darán as principais recomendacións para realizar unha proposta exitosa.
Tamén intervirán dous directores do programa para expor como conseguir que cada proposta cumpra cos requisitos esenciais nun dos retos do Acelerador.
As persoas interesadas en expor algunhas preguntas puden facelo a través de Sli.do #RetosAcelerador.
Os datos de conexión enviaranse o día de antes.
Nesta ligazón pode acceder ao programa da xornada.
CDTI Innovación
O CDTI Innovación é a entidade pública de financiamento da innovación do Ministerio de Ciencia, Innovación e Universidades que promove a innovación e o desenvolvemento tecnolóxico das empresas españolas, canalizando as solicitudes de financiamento e apoio aos proxectos de I+D+i de entidades españolas nos ámbitos estatal e internacional. Contribuímos á mellora do nivel tecnolóxico das empresas españolas e impulsamos e, cunha rede internacional con cobertura de 51 países, acompañamos a participación española en programas internacionais de cooperación tecnolóxica e a transferencia internacional da súa tecnoloxía empresarial. O CDTI tamén apoia a creación e consolidación de empresas de base tecnolóxica en España.
O Centro para o Desenvolvemento Tecnolóxico e a Innovación, E.P.E. (CDTI) é unha entidade pública dependente do Ministerio de Ciencia, Innovación e Universidades.
Máis información:
Oficina de Prensa
prensa@cdti.es
91-581.55.00
En Internet
Sitio web: www.cdti.es
En Linkedin: https://www.linkedin.com/company/29815
En X: https://twitter.com/CDTI_innovacion
En Youtube: https://www.youtube.com/user/cdtioficial
Este contido é copyright © 2024 CDTI,EPE. Está permitida a utilización e reprodución citando a fonte e a identidade dixital de CDTI (@CDTI_innovacion).