O CDTI Innovación informa as empresas españolas interesadas en participar na Chamada de Globalstar con Brasil
O próximo 20 de marzo, o CDTI Innovación e a axencia Financiadora de Estudos e Projetos (FINEP) de Brasil participarán nun webinario para presentar a Chamada de Globalstar (Eureka) que permancerá aberta ata o 16 de maio deste ano
Durante esta sesión informativa en liña, técnicos do CDTI Innovacióne un representante de FINEP informarán as entidades españolas que estean interesadas en presentar, a esta convocatoria, propostas de colaboración tecnolóxica con entidades brasileiras.
Apoio ás empresas españolas para a súa internacionalización
O CDTI Innovación é un Axente de financiamento do Sistema Español de Ciencia, Tecnoloxía e Innovación no ámbito da Administración Xeral do Estado. Entre as súas funcións, xestiona os programas ou instrumentos que lle son asignados polo Plan Estatal de Investigación Científica e Técnica, fundamentalmente no marco do I+D+i empresarial.
Este organismo promove a participación española no Programa Horizonte Europa e en iniciativas Multilaterais internacionais de cooperación tecnolóxica como son Eureka e Iberoeka. Tamén desenvolve programas Bilaterais con terceiros países e presta apoio in situ a empresas innovadoras españolas través da súa Rede Exterior.
A participación en programas de cooperación tecnolóxica internacional posibilita ás compañías españolas colaborar con entidades doutros países e desenvolver proxectos en diferentes áreas tecnolóxicas.
Chamada CDTI-FINEP 2024
Aquelas empresas españolas que estean interesadas en participar nesta Chamada poderán presentar a súa solicitude de proxectos de I+D ata o próximo 16 de maio deste ano ás 22.00 h CET.
CDTI Innovación
O CDTI Innovación é a Axencia de Financiamento da Innovación do Ministerio de Ciencia, Innovación e Universidades que promove a innovación e o desenvolvemento tecnolóxico das empresas españolas, canalizando as solicitudes de financiamento e apoio aos proxectos de I+D+i de entidades españolas nos ámbitos estatal e internacional. Contribuímos á mellora do nivel tecnolóxico das empresas españolas e impulsamos e, cunha rede internacional con cobertura de 51 países, acompañamos a participación española en programas internacionais de cooperación tecnolóxica e a transferencia internacional da súa tecnoloxía empresarial. O CDTI tamén apoia a creación e consolidación de empresas de base tecnolóxica en España.
O Centro para o Desenvolvemento Tecnolóxico e a Innovación, E.P.E. (CDTI) é unha entidade pública dependente do Ministerio de Ciencia, Innovación e Universidades.
Máis información:
Oficina de Prensa
prensa@cdti.es
91-581.55.00
En Internet
Sitio web: www.cdti.es
En Linkedin: https://www.linkedin.com/company/29815
En X: https://twitter.com/CDTI_innovacion
En Youtube: https://www.youtube.com/user/cdtioficial
Este contido é copyright © 2024 CDTI,EPE. Está permitida a utilización e reprodución citando a fonte e a identidade dixital de CDTI (@CDTI_innovacion).