O CDTI Innovación participa no Eureka Global Innovation Summit 2024
O próximo 13 de xuño, o CDTI Innovación participará no Global Innovation Summit 2024, encontro de gran relevancia no panorama internacional da investigación, desenvolvemento e innovación que este ano, coincidindo coa Presidencia do Programa Eureka, celebrarase en Istambul
Durante dous días daranse cita os principais axentes do I+D+i no ámbito internacional que analizarán e debaterán temas de interese sobre a innovación. En concreto, este ano abordarase a transformación verde e dixital.
Este cume será un punto de encontro para facilitar o diálogo e fomentar a cooperación tecnolóxica entre os 47 países membros da iniciativa Eureka. Tamén será unha oportunidade para que aquelas entidades interesadas poidan presentar as súas ideas e proxectos e manter reunións bilaterais con outros países.
Paneis temáticos
Entre as actividades previstas cabe destacar a exposición de paneis temáticos e presentacións sobre transición verde e dixital, economía circular, recuperación de desastres, cidades intelixentes, xestión de datos, programas Eureka, Horizonte Europa, etc. Tamén se celebrarán sesións específicas desdicadas a diferentes países, entre eles España. Finalmente, celebrarase a cerimonia de entrega dos Premios á Innovación de Eureka.
Nesta edición, técnicos do CDTI Innovación exporán as diferentes ferramentas de financiamento que dispón para cada un dos instrumentos de Eureka e asesorarán, nunha caseta habilitada para este organismo, a aquelas empresas interesadas en cooperar tecnoloxicamente con outros países.
Nesta ligazón pode obter información detallada e realizar a inscrición.
CDTI Innovación
O CDTI Innovación é a entidade pública de financiamento da innovación do Ministerio de Ciencia, Innovación e Universidades que promove a innovación e o desenvolvemento tecnolóxico das empresas españolas, canalizando as solicitudes de financiamento e apoio aos proxectos de I+D+i de entidades españolas nos ámbitos estatal e internacional. Contribuímos á mellora do nivel tecnolóxico das empresas españolas e impulsamos e, cunha rede internacional con cobertura de 51 países, acompañamos a participación española en programas internacionais de cooperación tecnolóxica e a transferencia internacional da súa tecnoloxía empresarial. O CDTI tamén apoia a creación e consolidación de empresas de base tecnolóxica en España.
O Centro para o Desenvolvemento Tecnolóxico e a Innovación, E.P.E. (CDTI) é unha entidade pública dependente do Ministerio de Ciencia, Innovación e Universidades.
Máis información:
Oficina de Prensa
prensa@cdti.es
91-581.55.00
En Internet
Sitio web: www.cdti.es
En Linkedin: https://www.linkedin.com/company/29815
En X: https://twitter.com/CDTI_innovacion
En Youtube: https://www.youtube.com/user/cdtioficial
Este contido é copyright © 2024 CDTI,EPE. Está permitida a utilización e reprodución citando a fonte e a identidade dixital de CDTI (@CDTI_innovacion).