Concesión directa de axudas aos proxectos españois que obtivesen o Selo de Excelencia na primeira convocatoria do Acelerador do Consello Europeo de Innovación do programa Horizonte Europa.

Apoio a proxectos de I+D ou estudos de viabilidade realizados por pequenas e medianas empresas que obtivesen un Selo de Excelencia na convocatoria do instrumento Acelerador do Consello Europeo de Innovación, co obxectivo de:

• Permitir ás empresas beneficiarias a validación da súa tecnoloxía en ámbitos relevantes.
• Afinar o modelo de negocio.
• Afianzar a estrutura de cara a un posterior escalado.

Pequenas e medianas empresas, que deberán:

• Estean validamente constituídas no momento da presentación da solicitude de axuda á presente convocatoria.
• Teñan residencia fiscal ou establecemento permanente en España.
• Obter o Selo de Excelencia na convocatoria do instrumento «Acelerador» do Consello Europeo de Innovación incluída no seu programa de traballo para 2021. 

Poderán ser beneficiarios das axudas as pequenas e medianas empresas, segundo a definición do Anexo I do Regulamento (UE) n.º 651/2014 da Comisión Europea do 17 de xuño de 2014.

Para obter máis información, prégase consultar a convocatoria.

Concesión directa de axudas

Do 25 de novembro ao 23 de decembro de 2021, ás 12.00 horas do mediodía, hora peninsular.

Pechada.

Subvención. 

20.000.000 euros

A contía das axudas determinarase en función do custo financiable real do proxecto e da dispoñibilidade orzamentaria e respectarase o límite de intensidade máxima do 70 % dos custos que se poidan subvencionar.

O importe máximo da axuda non excederá os 2,5 millóns de euros por beneficiario e por proxecto de investigación e desenvolvemento ou estudo de viabilidade.

As actividades que se poderán subvencionar do proxecto de I+D ou estudo de viabilidade obxecto da axuda serán as definidas como subvencionables en virtude das normas do programa Horizonte Europa, e quedarán excluídas as que vaian máis alá do desenvolvemento experimental.

As actividades subvencionables na convocatoria do Acelerador son actividades de I+D (nivel de madurez tecnolóxica 5 a 8) e de integración (TRL 9). Dado que estas últimas superan o alcance da definición de desenvolvemento experimental, non serán obxecto de financiamento na presente convocatoria.

Os proxectos que se poidan subvencionar poderán ter unha duración anual ou plurianual. Poderán iniciarse dende o 1 de xaneiro de 2022 e a súa data límite de finalización será o 31 de decembro de 2025, incluíndo posibles prórrogas.

Esta convocatoria encóntrase incluída entre as actuacións previstas no Plan Nacional de Recuperación, Transformación e Resiliencia, que recibirá o financiamento dos fondos "Next Generation EU", entre eles, o Mecanismo de Recuperación e Resiliencia.

Non serán obxecto de axuda aquelas actuacións que, directa ou indirectamente, ocasionen un prexuízo significativo do medio (principio DNSH) ou que estean dirixidas a aumentar a eficiencia dos combustibles fósiles. A obtención do Selo de Excelencia na convocatoria do Acelerador do Consello Europeo de Innovación xa garante o cumprimento deste principio, incluído entre os criterios de avaliación do programa.

A axuda concedida no marco desta convocatoria é incompatible, durante o seu período de execución, con calquera outra axuda pública de ámbito europeo, estatal ou autonómico con idénticos obxectivos e finalidades.

Si.

Só se poderán financiar aqueles gastos que, de xeito indubidable, respondan á natureza da actividade que se vaia financiar e resulten estritamente necesarios, sobre a base da descrición do proxecto achegada na solicitude e na memoria técnica do proxecto. Considéranse custos que se poden subvencionar os seguintes:

• Custos do equipamento, instrumental e material, na medida e durante o período en que se utilicen para o proxecto.
• Custos de persoal.
• Custos de colaboracións técnicas externas.
• Outros gastos de explotación adicionais: custos das viaxes, custos de adquisición de activos inmateriais, custos de solicitude de dereitos de propiedade industrial e intelectual, custos de publicación e difusión de resultados e gastos derivados do informe de auditor (cun límite máximo de 3;000 euros por anualidade).
• Custos indirectos, calculados como unha porcentaxe fixa do 25 % sobre os gastos directos do proxecto (excluídas as subcontratacións técnicas).

O importe total do orzamento do proxecto que se poderá financiar non poderá superar o importe total do orzamento do proxecto presentado na convocatoria do Acelerador do Consello Europeo de Innovación.

O importe máximo das actividades subcontratadas será do 80 % do orzamento total apto.

Cando o importe da prestación dun servizo ou entrega dun ben supere o importe de 15 000 euros, o beneficiario deberá solicitar un mínimo de tres ofertas de diferentes provedores, con carácter previo á contratación do compromiso, salvo que, polas súas especiais características, non exista no mercado suficiente número de entidades que os realicen, presten ou subministren.

Cando a actividade concertada con terceiros exceda o 20 % do importe da axuda concedida e este importe sexa superior a 60 000 euros, a subcontratación estará condicionada a que o órgano de concesión asine o contrato por escrito e o envíe e autorice.

Considerarase que as axudas teñen efecto incentivador se, antes de comezar a actividade, o beneficiario presentou a solicitude de axuda á convocatoria.