O Plan Estatal de Investigación Científica, Técnica e de Innovación 2021-2024 (en diante, PEICTI), aprobado por Acordo do Consello de Ministros o 7 de maio de 2024, constitúe o instrumento de programación que permite desenvolver, financiar e executar as políticas públicas da Administración Xeral do Estado en materia de fomento e coordinación do I+D+l.

O PEICTI articúlase a través de cinco programas verticais e tres horizontais, que forman unha matriz de actuación para dar resposta aos obxectivos da Estratexia Española de Ciencia e Tecnoloxía e de Innovación. O Plan inclúe as axudas públicas estatais, anuais e plurianuais, dedicadas a actividades de I+D+i, outorgadas a través das convocatorias en réxime de concorrencia competitiva previstas no artigo 22.1 da Lei 38/2003, do 17 de novembro, Xeneral de Subvencións.

Entre o cinco programas verticais do PEICTI figura o Programa de Transferencia e Colaboración que pretende impulsar a transferencia de coñecemento e fomentar a colaboración entre institucións e axentes do Sistema Español de Ciencia, Tecnoloxía e Innovación (SECTI), cunha atención especial á colaboración público-privada. En particular, o Subprograma "Para Impulsar a Colaboración En e Entre os Sectores Público e Privado" contempla entre as súas actuacións o financiamento de proxectos de I+D+i en colaboración, que propoñan solucións a desafíos transversais e estratéxicos para a sociedade, incluíndo os programas de misións.